مشاعر حب

Potato_26031 🇪🇬

منذ 3 أشهر

شعور قلق

Orange_51919 🇪🇬 نصيحه ابعدي الغي الفولو ابعدي خالص عشان ده تعلق مش حب وهو مش واخد باله احتمال يكون مرتبط بيها (صاحبتك )واحتمال لا ما نقدرش نظلمها عشان معناش دليل بس في جميع الاحوال انت اللي هتزعلي ممكن تلاقيها الاكونت عنده في بنات في الاخر ما تخليش دايما مشاعرك حطاكي في جزء او في مكان اصل ده صديق الطفوله اصل ده متربيين سوا الناس بتتغير والزمن بيتغير احنا نحافظ على قلوبنا لحد ما الشخص المناسب يجي 🤍

عرض الكل 5 نصيحة

عبّر عن شعورك بشكل مجهول

دلوقتي انا في حاجة محيراني ، من و انا صغيرة و انا كنت بحب ولد معايا في المدرسة بس هو مكانش واخد باله خالص و انا عمري ما روحت كلمته ولا حصل بينا اصلا كلام لأننا كنا في فصول مختلفة ،المهم ان كبرنا و سيبنا المدرسة احنا الإتنين بعد تالتة اعدادي و من ساعتها لحد دلوقتي و انا ماشوفتهوش تاني ( احنا في تانية جامعة دلوقتي ) بس من ساعتها لحد دلوقتي و انا ديما بدخل علي اكونتاته و كدة و بعرف اخباره من بعيد لبعيد بس عمري ما فكرت اعمله فولو او ابعتله أدد او اي حاجة من الحاجات دي لأن عارفة انه حرام ، المهم انه من زمان و هو بيلعب رياضة معينة و حاليا بيلعب في المنتخب و بسبب كدة طلع في التليفزيون كذا مرة و اكونته علي انستجرام بدأ يكبر و خلى الأكونت بابليك و كدة فا انا لما لقيته كدة قولت ابعتله فولو كأني حد من الناس اللي بتابعه علشان الرياضة اللي بيلعبها و كدة كدة انا اعرفه من زمان ، طول الفترة اللي كنت براقب فيها اكونتاته كان في واحدة من صحابي هي الشخص الوحيد اللي مشترك بينا علي انستجرام يعني هي وهو عاملين فولو لبعض ، المهم من شهر  بعتله الفولو و عملي فولو باك بسرعة جدا و قبلته و بقيت كل ما انزل استوري الاقيه بيدخل يشوفها اول ما تنزل علي طول و علشان بقينا بنشوف ستوريز بعض الانستجرام بقي بيبينلي انه اكتيڤ امتى و كدة فا بقيت بلاحظ انه كتير بيكون فاتح وقت ما صحبتي بتكون فاتحة و اوقات كتير بيقفلوا مع بعض بردو ، بقالي بقي يومين مبقاش بيظهرلي انه اكتيف بس لسة بيشوف الاستوريز عادي مع اني عاملة اكونت فيك غير اكونتي و عاملاله منه فولو و بيظهرلي عليه لما بيكون اكتيڤ عادي ، هل هو كدة اخد باله من حاجة علشان كدة خفى عني انه يكون اكتيڤ و هو كدة مفيش امل يكون في حاجة من نحيتي و ابعد ولا كدة هو مرتبط بصاحبتي و صاحبتي هي اللي خدت بالها  و خلته يخفي انه يكون اكتيڤ عني و في الحالة دي لازم ابعد بردو ؟ و لا دي مشكلة في انستجرام مثلا و ايه ؟ خصوصا ان مفيش اوبشن زي دة في انستجرام اصلا يعني يا اما يخفي عن الكل يا اما يظهر للكل .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_46599 🇪🇬

منذ 4 أشهر

شعور خجول

في بنت معايا في الجامعة معجب بيها من 3 سنين قرارات اروح اكلمها بس مش عارف المفروض اقول ايه او أعمل ايه أو أفتح كلام معها في ايه او ازاي حتي ملحوظه معرفش عنها أي حاجه معرفش غير أنها معايا في الكلية 😂😂 ملحوظه انا عمري مكلمت بنت لأن ده حرام بس انا ناوي فعلا خير معاه وناوي اتقدم بس مش دلوقتي اكيد

Mango_52217 🇪🇬 خش وقول اللي في قلبك

عرض الكل 5 نصيحة

Strawberry_51933 🇪🇬

منذ 4 أشهر

شعور مرتبك

انا بكلم ولد هو لطيف جدا معايا وبيسأل عليا على طول وبيهتم وبنتكلم كتير في اليوم بس هو طول ما هو بيكلمني مبيردش على طول يعني كإنه بيكلم حد تاني او انه ضامني ف بيطول في الرد عليا عادي انا خايفة اوي يكون بيضحك عليا فلو حد فاهم ايه اللي ممكن يكون في مشاعروا تجاهي ياريت يساعدني

Coffee_33188 🇪🇬 مع احترامي للكل..انا نصيحتي مختلفة ارجو ان تتقبليها..اعرفي "ان البدايات التي لا تُرضي الله..نهايتها لن تُرضي صاحبها"..اعرفي ان علاقتكم حرام وما هي إلا مجرد تسلية ليه وليك..وهتكسر نفسك وقلبك بعدين ..ف الحقي نفسك قبل ما تتعلقي بيه وحافظ ع نفسك واكسبي ثقة اهلك فيك علشان ربنا يكرمك ب راجل محترم يتقدملك يحافظ عليك..واعرفي ان اغلب الشباب مش بيتقدم للبنت اللي مرتبط ب لان بيتبني عنده شك انها هتكلم غيره

عرض الكل 21 نصيحة